विराटनगर – कोशी प्रदेश नामाकरण संशोधनको माग गर्दै विराटनगरमा प्रदर्शन भइरहेको छ ।
ऐतिहासिक पृष्ठभूमिको आधारमा नामकरण गर्नुपर्ने माग गर्दै पहिचानवादीहरूले विराटनगरमा प्रदर्शन गरेका हुन्।
- Advertisement -
उक्त आन्दोलनमा ५ जना सुरक्षाकर्मी घाइते भएका छन् । नेपाल प्रहरीका ३ र सशस्त्रका दुई जना घाइते भएको प्रदेश प्रहरी कार्यालय विराटनगरले जनाएको छ । प्रहरीले ३१ राउण्ड अश्रुग्यास र १५ राउण्ड हवाईफायर गरेको छ ।
उनीहरूले कोशी प्रदेश मान्दैनौँ, हत्या हिंसा बन्द गर, लाजेहाङ अमर रहुन्, मुख्यमन्त्री हिक्मत कार्की मुर्दावाद, इन्द्रबहादुर आङबो औँला काट र पहिचानवादी एक हौँ लगायतका नारा घन्काइरहेका छन्।
प्रदर्शन स्थलमा अहिले ठूलो संख्यामा नेपाल प्रहरी र सशस्त्र प्रहरीको टोली परिचालन गरिएको छ।
प्रतिक्रिया दिनुहोस्