काठमाडौँ – संघीय मामिला तथा सामान्य प्रशासन मन्त्रालयले कर्मचारीको प्रतिभा प्रस्फुटन गर्न प्रतिभा डबली कार्यक्रम सञ्चालन गर्ने भएको छ ।
मन्त्रालयले सङ्घ, प्रदेश र स्थानीय तहमा कार्यरत निजामती कर्मचारीका लागि उक्त कार्यक्रम सञ्चालन गर्न लागेको हो ।
- Advertisement -
उक्त कार्यक्रममा सहभागी हुन चाहने सङ्घ, प्रदेश र स्थानीय तहका कर्मचारीले मन्त्रालयको वेबसाइटमा गएर चैत अन्तिमसम्ममा अनलाइनमार्फत प्रस्ताव पेस गर्न सक्ने छन् ।
प्रतियोगीले आफ्नो प्रस्ताव पेस गर्ने क्रममा अडियो र भिडियो कपी अपलोड गर्नुपर्ने छ । तर अडियो भिडियोमा आफ्नो परिचय खुल्ने कुनै किसिमको सामग्री राख्न पाइने छैन । सो कार्यक्रम आइडिया स्टुडियोले गर्ने भएको छ ।
प्रतिस्पर्धाबाट छनोट भएका प्रथम, द्वितीय र तृतीय स्थान प्राप्त गर्ने कर्मचारीलाई सम्मान र पुरस्कारसमेत प्रदान गरिने छ ।
नवीन सोच र इनोभेटिभ आइडिया पेस गरी शीर्ष १० मा पर्ने कर्मचारीले प्रत्यक्ष प्रस्तुतीकरणसमेत गर्नुपर्ने छ । सो प्रस्तुति टेलिभिजनमार्फत समेत प्रस्तुत गरिने छ ।
प्रतिक्रिया दिनुहोस्