काठमाडौं – प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले सुदूरपश्चिम सरकारका पक्षमा मतदान गर्न पार्टीका सांसदहरुलाई निर्देशन दिएका छन् ।
प्रचण्ड निकट स्रोतले दिएको जानकारीअनुसार सुदूरपश्चिम प्रदेशमा कांग्रेस नेतृत्वको सरकारलाई आज विश्वासको मत दिन सांसदहरुलाई निर्देशन दिइएको छ ।
- Advertisement -
सुदूरपश्चिमका मुख्यमन्त्री कमलबहादुर शाहले आज विश्वासको मत लिने तयारी गरेका छन् । दिउँसो १ बजे प्रदेश सभाको बैठक बोलाइएको छ ।
कांग्रेस र माओवादी केन्द्रका छुट्टाछुट्टै संसदीय दलको बैठक अहिले ११ बजेका लागि बोलाइएको छ ।
उक्त बैठकले निर्णय गर्ने सम्भावना रहेको स्रोतले जानकारी दिएको छ ।
यसअघि शनिबार बसेको माओवादी संसदीय दलको बैठकले अहिलेकै अवस्थामा कांग्रेस नेतृत्वलाई मतदान गर्न नसकिने जनाएको थियो ।
कांग्रेसले नागरिक उन्मुक्ति पार्टीका नेता रेशम चौधरीसँग पनि कुराकानी गरेको स्रोतले जानकारी दिएको छ ।
प्रतिक्रिया दिनुहोस्