अमेरिकी राष्ट्रपति जो बाइडेन गोप्य रूपमा युद्धरत राष्ट्र युक्रेनको राजधानी किभ पुगेका छन्। राष्ट्रपति बाइडेन आज सोमबार युक्रेनसँग जोडिएको पोल्यान्डको सीमाबाट गोप्य रूपमा रेल चढेर किभ पुगेको सञ्चारमाध्यमले जनाएका छन् । सुरक्षाका कारण उनको भ्रमण गोप्य राखिएको बताइएको छ ।
किभ पुगेपछि ट्विट गर्दै बाइडेन युक्रेनको प्रजातन्त्र, सार्वभौमसत्ता र भौगोलिक अखण्डताप्रतिको अमेरिकाको पूर्ण प्रतिबद्धता व्यक्त गर्न रूसी आक्रमणको एक वर्ष पुग्न लाग्दा आफूले आज युक्रेनको भ्रमण गरेको बताएका छन्।
- Advertisement -
केही समयअघि युक्रेनी राष्ट्रपति भोलोदिमिर जेलेन्स्कीले अमेरिकाको औपचारिक भ्रमण गरेका थिए। रसियासँग एकबर्ष देखि युद्ध लडिरहेको युक्रेनलाई अमेरिका, बेलायतलगायत पश्चिमा र नेटो राष्ट्रहरूले सैन्य तालिम, सामग्री र आर्थिक सहयोग लगायत दिएर सहयोग गरिरहेका छन्।
बाइडेनको युक्रेन भ्रमणबारे व्हाइट हाउसले केहि बताएको छैन।
प्रतिक्रिया दिनुहोस्