पर्यटन मन्त्रालय मातहतका कार्यक्रमहरु होटलमा आयोजना नहुने

काठमाडौं– संस्कृति, पर्यटन तथा नागरिक उड्डयन मन्त्रालयले मातहतका सबै निकायका कार्यक्रमहरु यसवर्ष होटलमा आयोजना नगर्ने भएको छ । पर्यटन मन्त्रालयले यसको कार्यान्वयनका लागि अब आफ्ना मातहतका सबै कार्यक्रम आफ्नै हलमा गर्ने निर्णय गरेको छ । यसअघि अर्थ मन्त्रालयले खर्च कटौतीको निर्णय गर्दै सबै संघीय निकायको चालु खर्च २० प्रतिशत कम गर्ने निर्णय गरेको छ । त्यसका लागि पर्यटनले तीन वटा हल र त्यसको क्षमता समेत सार्वजनिक गरेको छ
मन्त्रालयका अनुसार अब सबै निकायले नेपाल पर्यटन तथा होटल व्यवस्थापन प्रतिष्ठान रवि भवन परिसर भित्रका हलहरु प्रयोग हुने बताएको छ ।
यहाँ २ सय क्षमताको एक र ५०र५० जना क्षमताका दुई वटा हल रहेका छन्। काठमाडौँ उपत्यका भित्र तालिम, कार्यशाला गोष्ठी, समारोह तथा बैठक सञ्चालन गर्दा पर्यटन मन्त्रालय मातहतका निकायले यी हल प्रयोग गर्नुपर्ने भएको छ।