काठमाडौँ – रुसले नयाँ रणनीतिक हतियार न्यूनीकरण सन्धि (नयाँ स्टार्ट)को पालना नगरेको भन्दै संयुक्त राज्य अमेरिकाले गरेको दाबीलाई मस्कोले अस्वीकार गरेको छ ।
रुसी विदेश मन्त्रालयले बुधबार विज्ञप्ति जारी गर्दै उल्लेख गरेको छ, “रुसी पक्षले नयाँ स्टार्टका प्रावधानहरूसँग हाम्रो देशको ‘अनुपालन नगरेको’ सम्बन्धमा अमेरिकी प्रतिनिधिहरूले गरेको दाबीलाई स्पष्ट रूपमा अस्वीकार गर्दछ । हामी संयुक्त राज्य अमेरिकाको शत्रुतापूर्ण कार्यहरू अनुत्तरित छोड्ने पक्षमा छैनौँ ।”
नयाँ स्टार्टअनुसार दुई आणविक महाशक्तिहरूबीचको अन्तिम बाँकी रहेको आणविक हतियार नियन्त्रण सन्धिलाई सहमतिमा अधिकतम पाँच वर्षसम्म लम्ब्याउन सकिन्छ । रुस र संयुक्त राज्य अमेरिकाले सन् २०२१ फेब्रअरी ३ मा आधिकारिक रूपमा पाँच वर्षका लागि सन्धि विस्तार गरेका थिए । रासस/सिन्ह्वा
प्रतिक्रिया दिनुहोस्