तत्काल मन्त्रि नबन्न प्रचण्डको प्रस्तावमा रवि लामिछाने सकरात्मक

काठमाडौं–
आज बिहान बालुवाटारमा भएको भेटवार्ताका क्रममा प्रधानमन्त्री पुष्पकमल दाहाल ‘प्रचण्ड’ले राष्ट्रिय स्वतन्त्र पार्टी (रास्वपा)का सभापति रवि लामिछानेलाई उप–निर्वाचनबाट जितेर नआउनजेल मन्त्री नबन्न आग्रह गरेका छन् । प्रधानमन्त्री प्रचण्डले गृह मन्त्रालय आफूले नै राख्ने र अर्को मन्त्रालय लिन उनलाई आग्रह गरेका हुन् । उपनिर्वाचनबाट जितेर आए मात्र मन्त्री बन्न स्वाभाविक हुने प्रचण्डको भनाइ थियो ।
“सर्वोच्चको पूर्णपाठ आउन बाँकी रहेकाले पनि तत्काल मन्त्रि नबन्न प्रचण्डले भनेका थिए । शक्ति पृथकीकरणको सिद्धान्तमा इमानदार, बफादर रहेको पनि उनले बताए । रास्वपाको मन्त्रालयको संख्या नघटाई जतिवटा तोकिए जति दिने प्रधानमन्त्री प्रचण्डले बताएका छन् ।
लामिछाने प्रधानमन्त्रीको प्रस्तावमा सकारात्मक रहेको बालुवाटार स्रोतले बताएको छ । आफूले पार्टीको बैठक राखेर निर्णय दिने लामिछानेले बताएका छन् । अहिले रास्वपाको केन्द्रीय समिति र संसदीय दलको संयुक्त बैठक जारी छ ।