काठमाडौं– राष्ट्रिय स्वतन्त्र पार्टी रास्वपाले प्रधानमन्त्रि पुष्पकमल दहाल (प्रचण्ड) र नेकपा एमालेका अध्यक्ष खड्का प्रसाद शर्मा (केपी) ओलीसँग गरेको भेटवार्ताबाट गृहमन्त्रालय दिन अलमल गरेको भन्दै सरकारबाट बाहिरिन तयारी थालेको छ । आइतबार नेपाली नागरिकता लिएपछि पुनःगृहमन्त्री बन्ने दौडधूपमा लागेका रास्वपा सभापति रवि लामिछानेले गृहमन्त्रालय नपाए सरकारबाट बाहिरिने तयारी थालेको स्रोतले बताएको छ ।
स्रोतका अनुसार लामिछानेको नागरिकता विवादका कारण माओवादीका केही नेता उनलाई पुनःगृहमन्त्रालय दिन तयार नभएको र बिहानको छलफलमा पनि माओवादी अध्यक्षसमेत रहेका प्रधानमन्त्री दाहाल सकारात्मक नभएको रास्वपाले बताएको छ । मंसिर ४ गते सम्पन्न प्रतिनिधिसभा निर्वाचनमा २० सिट जितेको रास्वपाले सरकारमा सहभागी हुँदा उपप्रधान तथा गृह मन्त्रालयसहित चार मन्त्रालय लिएको थियो । सर्वोच्च अदालतले माघ १३ गते शुक्रबार रविको नागरिकता अवैध भएको फैसला गरेपछि लामिछाने पद तथा जिम्मेवारीबाट बाहिरिएका हुन् ।
चितवन२ बाट निर्वाचित लामिछानेको सांसद् पद खारेज भएपछि सो क्षेत्रमा उपनिर्वाचन हुँदैछ। रविले पुनस् उम्मेदवारी दिने तयारी थालेका छन्। यद्यपि निर्वाचन आयोगले भने निर्वाचनको मिति निर्धारण गरेको छैन।
प्रतिक्रिया दिनुहोस्