काठमाडौँ – नेकपा एमालेका अध्यक्ष केपी शर्मा ओलीले छिमेकी मुलुकहरूसँग कुनै कार्ड नखेल्ने बताएका छन् ।
नेपालको भूमि कसैका विरुद्ध प्रयोग हुन नदिने र उनीहरूको जायज चासो-चिन्तालाई सम्बोधन गरेर अगाडि जाने उनले बताए ।
उनले अघि भने, ‘हामी हाम्रा छिमेकीहरूका निम्ति असल छिमेकी हुन चाहन्छौँ । उनीहरूको कुभलो गर्दैनौँ । भलो चिताएर उनीहरूलाई सहयोग पुर्याएर उनीहरूका जायज चासो, चिन्तालाई सम्बोधन गरेर अगाडि जान्छौँ ।’
नेपालको भूमि कसैका विरुद्ध प्रयोग हुन नदिने र कुनै सैन्य गतिविधिमा सामेल नहुने उनले बताए । ओलीले भने, ‘हाम्रो सार्वभौमसत्ता, स्वतन्त्रमा कुनै सम्झौता गर्दैनौँ । पारस्परिक लाभ र सम्मानका आधारमा सम्बन्ध कायम गर्छौँ ।’
प्रतिक्रिया दिनुहोस्