गत पुस १२ गतेदेखि बेपत्ता भएका डडेल्धुरा आलीताल गाउँपालिका–८ डाँडाखर्कका ८ वर्षीय बालकको हत्या गरि गाडेको अवस्थामा लास फेला परेको छ।
बेपत्ता ८ वर्षीय बालक भरत बोहराको शव खाल्डोमा गाडिएको अवस्था फेला परेको प्रहरीले जनाएको छ।
- Advertisement -
पुस २७ गते एक स्थानीयले उनी बेपत्ता भएको भन्दै प्रहरीलाई खबर गरेका थिए। त्यहि सूचनाका आधारमा प्रहरीले खोजि शुरु गरेको थियो ।
बालकको हत्या गरेर घटनाबारे जानकारी नहोस् भनेर शव गाडिएको प्रहरीको प्रारम्भीक अनुसन्धानले देखाएको प्रहरी बताएको छ । हत्या किन र कसले गरेको हो भन्नेबारे प्रहरीले अनुसन्धान गरिरहेको छ ।
मृतक बालकका बाबु रोजगारीको शिलशिलामा भारतमा बस्दै आएका छन् । मृतक बालक ३४ वर्षीय आमा कल्मती बोहरा र ३१ वर्षीय सौतेनी आमा जानकी बोहरासँग बस्दै आएका थिए।
प्रतिक्रिया दिनुहोस्