काठमाडौँ – गण्डकी प्रदेशको मुख्यमन्त्रीमा नियुक्त भएका खगराज अधिकारीले पुस २९ गतेको प्रदेशसभा बैठकमा विश्वासको मत लिने भएका छन् ।
अधिकारी सोमबार मात्रै संविधानको धारा १६८(२) बमोजिम ३३ सांसदको समर्थनमा मुख्यमन्त्रीमा नियुक्त भएका थिए ।
गण्डकीमा पुस २९ गते प्रदेशसभा बैठक बस्दै छ । सोही बैठकमा नै उनले विश्वासको मत लिने भएका हुन् ।
विश्वासको मत लिने कार्यसूची तय गरिदिन प्रदेशसभा सचिवालयलाई पत्र पठाएको प्रदेशसभा सचिवालयका सूचना अधिकारी प्रेम सुवेदीले जानकारी दिए ।
प्रतिक्रिया दिनुहोस्