तालिवानका केही लडाकुले पाकिस्तानको उत्तर पश्चिमको ख़ैबर पख़्तूनख़्वा प्रान्त स्थित बन्नू कैंटको प्रतिआतंकवाद केन्द्र कब्जागरि दर्जनौ पुलिसलाई ३ दिनदेखि बन्धक बनाएका छन् । यसमा कयौको मृत्यु भएको अन्तराष्ट्रिय समाचार एजेन्सीले जनाएका छन् । तर पाकिस्तान सरकारले यसको पुष्टी गरेको छैन ।
अन्तराष्ट्रिय समाचार एजेन्सीहरूले जनाए अनुसार बन्धकको उद्दारगर्न तालिवान लडाकु र सरकारबीच भएको वार्ता असफल भएको छ । पाकिस्तानी शुरक्षाबलले बन्धकलाई मुक्त गर्न अभियान चलाएको छ र सेनालाई समेत तयारी अवस्थामा राखिएको छ ।
समाचार संस्था रोयटर्सका अनुसार यो प्रतिआतंकवाद केन्द्रमा एक तालिवानी लडाकुलाई गिरफ्तार गरि राखिएको थियो । आइतवार उक्त लडाकुले पुलिसको AK -47 बन्दुक छिन्यो र अन्धाधुन्द गोलि चलायो । उक्त तालिवानीले त्यहाँ कैद रहेका अन्य तालिवानी र अन्य मुश्लिम चरमपन्थीलाई मुक्त गरायो । त्यसपछि सवै मिलेर थप बन्दुक पुलिसबाट लुटे र त्यहाँ रहेका सवै पुलिसकर्मीलाई बन्धक बनाए ।
अहिले त्यहाँ शुरक्षाकर्मीले घेराबन्धी गरेका छन् । बन्नू जिल्लाका सवै स्कुल कलेज बन्द गरिएको छ । कैंट जाने सवै बाटाहरू सिल गरिएको छ । मेडिकल इमर्जेन्सी समेत लागु गरिएको छ ।
प्रतिक्रिया दिनुहोस्