काठमाडौँ – नेपाल विज्ञान तथा प्रविधि प्रज्ञा–प्रतिष्ठान (नास्ट)ले युवा वैज्ञानिकहरूलाई अनुसन्धान सहयोगका लागि प्रस्ताव पेस गर्न आह्वान गरेको छ ।
नास्टले सार्वजनिक सूचना जारी गर्दै चालु आर्थिक वर्ष २०७९/०८० देखि सञ्चालित युवा वैज्ञानिकहरूलाई अनुसन्धान सहयोग कार्यक्रम अन्तर्गत विज्ञान तथा प्रविधि सम्बन्धी नतिजामुखी अनुसन्धान, नयाँ प्रविधि विकास वा सुधारिएको प्रविधि विकास गर्न प्रस्ताव पेस गर्न भनेको हो ।
नास्टको सात प्रदेशका विशिष्टीकृत अनुसन्धान केन्द्रको उद्देश्यसँग मेल खाने अनुसन्धान प्रस्तावहरू सोही प्रदेशमा कार्यरत युवा वैज्ञानिक प्राविधिज्ञबाट पेस भएमा त्यस्ता प्रस्तावहरूलाई प्राथमिकता दिइने जनाइएको छ ।
प्रस्ताव पेस गर्दा बजेटको अधिकतम सीमा व्यक्ति/समूहगतको अनुसन्धानको लागि बढीमा पाँच लाख, संस्थागत अनुसन्धानका लागि दस लाख र बहुविधागत अनुसन्धानका लागि १२ लाख रहेको नास्ष्टले स्पष्ट पारेको छ ।
प्रतिक्रिया दिनुहोस्