रवि लामिछानेको नागरिकता र पासपोर्टबारे छानबिन गर्न गृह र परराष्ट्रलाई अख्तियारको पत्र

काठमाडौँ – अख्तियार दुरुपयोग अनुसन्धान आयोगले राष्ट्रिय स्वतन्त्र पार्टीका सभापति एवं चितवन २ बाट प्रतिनिधि सभा सदस्यमा निर्वाचित रवि लामिछानेको नागरिकता र राहदानी विवादबारे अनुसन्धान गर्न गृह मन्त्रालय र परराष्ट्र मन्त्रालयलाई पत्राचार गरेको छ।

आयोगमा परेको उजुरी सम्बन्धित मन्त्रालयहरूलाई अनुसन्धान गर्न पत्र पठाइएको आयोग स्रोतले जानकारी दिएको छ ।

- Advertisement -

लामिछानेको नागरिकता र राहदानी विवादबारे यसअघि नै गृह मन्त्रालयमा परेको उजुरीपछि जिल्ला प्रहरी परिसर काठमाडौँले छानबिन गरिरहेको छ ।

लामिछानेले अमेरिकी नागरिकता लिँदा नेपाली नागरिकता खारेज नगरेको र फेरि अमेरिकी नागरिकता त्याग गरेपछि पनि पुन पुरानै नागरिकताको प्रयोग गरेको आरोप छ। लामिछानेले अमेरिकी पासपोर्ट हुँदाहुँदै नेपाली पासपोर्ट पनि लिएको तथ्य केही दिनअघि उकेरा डटकमले समाचार प्रकाशित गरेको थियो।