विश्वकप फुटबल अन्तर्गत भएको पहिलो प्रि – क्वाटर फाइनल खेलमा नेदरल्यान्ड्सले अमेरिकालाई ३ -१ गोल अन्तरले पराजित गर्दै क्वाटरफाइनलमा प्रवेश गरेको छ ।
आज भएको प्रतिस्पर्धामा अमेरिकाले अपेक्षित खेल प्रस्तुत गर्न सकेन । अमेरिकाले खेलको १० मिनेटमै पहिलो गोल वेहोर्यो । खेलको १०औ मिनेटमा १० नम्बर जर्सीका खेलाडी मेम्पिस डेपेले गोल गरे । त्यस्तै पहिलो हापको अतिरिक्त ४५+१ ब्लाइन्ड डलेइ ले गोल गरे । दुवै गोलको असिस्ट डम्फ्रेज डेन्जेलले गरेका थिए ।
अमेरिकाले एकमात्र गोल खेलको ७६औ मिनेटमा राइट हाजिले गरे । ७६औ मिनेटमा खेलमा फर्किने कोशिश गर्यो । तर खेलको ८१ औ मिनेटमा डम्फ्रेज डेन्जेलले नेदरल्यान्ड्सको तर्फबाट गोल गरे र जीत सुनिश्चित गरे ।
प्रतिक्रिया दिनुहोस्