वामपन्थीलाई मिलाएर एमालेले आफ्नै नेतृत्वमा सरकार बनाउनुपर्छ: पृथ्वीसुब्बा गुरुङ

काठमाडौँ – नेकपा (एमाले)का उपमहासचिव पृथ्वीसुब्बा गुरुङले एमालेले आफ्नै नेतृत्वमा सरकार बनाउन पहल गर्नुपर्ने बताएका छन् । लमजुङबाट प्रतिनिधिसभा सदस्यमा निर्वाचित भएकोमा आफूलाई बधाई दिन प्रेस चौतारी नेपालले शुक्रबार काठमाडौंमा आयोजना गरेको कार्यक्रममा पमहासचिव गुरुङले प्रधानमन्त्री शेरबहादुर देउवा नेतृत्वमै सरकार बन्ने प्रचारलाई तोडेर एमालेले आफ्नो नेतृत्वमा सरकार बनाउनका लागि पहल गर्नुपर्ने बताए ।

उनले सत्तारूढ गठबन्धनलाई तोडेर वामपन्थी शक्तिहरूलाई एकजुट बनाउँदै एमालेले आफ्नै नेतृत्वमा सरकार बनाउन पहल गर्नुपर्ने बताए ।

- Advertisement -

उनले संघ र सातवटै प्रदेशमा एमाले सरकार बनाउन सक्ने हैसियतमा रहेको दाबीसमेत गरे । तर, त्यसका लागि पार्टीले दिनरात खटेर पहल गर्नुपर्ने उनको भनाइ छ ।