काठमाडौँ – एमाले सांसद भगवती चौधरीको विजय जुलुसमा काँग्रेसका कार्यकर्ताले ढुंगामुढा गरेपछि तनाव उत्पन्न भएको छ। उनी सुनसरी ३ बाट निर्वाचित भएकी हुन्।
लगातार चुनाव जित्दै आएका काँग्रेस उम्मेदवार विजयकुमार गच्छदारको अपराजित यात्रामा विराम लगाएकी चौधरीको विजय जुलुसमा सवारमाथि काँग्रेसका कार्यकर्ताहरूले ढुंगामुढा गरेको एमालेको आरोप छ।
- Advertisement -
त्यहाँ दुवै पक्षबिच झडप भएको सुनसरीका प्रमुख जिल्ला अधिकारी इन्द्रदेव यादवले बताए। सुरक्षाकर्मीले स्थिति नियन्त्रणमा लिइसकेको प्रमुख जिल्ला अधिकारी यादवले बताए।
स्थानीयवासीसँग समन्वय गरेर स्थिति नियन्त्रणमा लिइएको जनाइएको छ। सुनसरी ३ मा काँग्रेसका विजयकुमार गच्छदारलाई पराजित गर्दै एमालेकी भगवती चौधरी प्रतिनिधिसभा सदस्यमा निर्वाचित भएकी छन् ।
प्रतिक्रिया दिनुहोस्