बिजनेस टाइकुन उमेन्द्र महतोको परिवारबाट ३ जना प्रतिनिधि सभा सदस्यमा निर्वाचित भएका छन् । भाइ विरेन्द्र प्रसाद महतो , बहिनी जुलीकुमारी महतो (महासेठ) र ज्वाई रघुबीर महासेठ प्रतिनिधि सभामा निर्वाचित भएका हुन् ।
जुलीकुमारी महतो (महासेठ) र रघुवीर महासेठ नेकपा (एमाले)को तर्फबाट निर्वाचित भएका हुन् भने विरेन्द्र प्रसाद महतो जनता समाजवादी पार्टीबाट निर्वाचित भएका हुन् ।
- Advertisement -
विरेन्द्र प्रसाद महतो सिरहा ०४ बाट भारी मतान्तरले विजयी भए । जसपाका तर्फबाट उम्मेदवार रहेका महतोले २४१०२ मत प्राप्त गरे भने उनका निकर्तम प्रतिद्वन्दी जनमत पार्टीका विरेन्द्र प्रसाद साहले १६९२५ मत प्राप्त गरे ।
यस्तै नेकपा एमालेको तर्फबाट धनुषा ३ मा उम्मेदवार रहेकी जुलीकुमारी महतो (महासेठ) पनि भारी मतान्तरले विजयी भईन । जुलीले ३३३८८ मत पाउदा उनका निकट्तम प्रतिद्वन्दी अनिल कुमार झाले २३६८६ मत मात्र प्राप्त गरे ।
त्यस्तै उपेन्द्र महतोका ज्वाई रघुवीर महासेठले धनुषा ०४ बाट कठिन विजय प्राप्त गरे । एमाले उम्मेदवार महासेठले ३२२६ मत प्राप्त गर्दा उनका निकर्तम प्रतिद्वन्दी नेपाली कांग्रेसका महेन्द्र यादवले ३१११२ मत प्राप्त गरे ।
विरेन्द्र प्रसाद महतो निर्वाचित हुनासाथ उनी अध्यक्ष रहेको माछापुच्छ्रे बैंकको अध्यक्षमा उपेन्द्र महतो नियुक्त भईसकेका छन् ।
प्रतिक्रिया दिनुहोस्