घानाले समूह एच अन्तर्गतको समूह चरणको खेलमा दक्षिण कोरियालाई ३-२ ले पराजित गर्दै कतारमा जारी विश्वकप फुटबलको नकआउट चरणमा पुग्ने सम्भावना कायम राखेको छ ।
पहिलो गोल घानाका लागि सालिसु मोहमोदले खेलको २४औ मिनेटमा गोल गर्दै अग्रता दिलाए । ३४ औ मिनेटमा मोहमोद कुडुसले गोल गर्दै अग्रता दोव्वर बनाए ।
- Advertisement -
पहिलो हाप ०-२ अन्तरले पछाडि रहेको दक्षिण कोरियाका लागि दोस्रो हापको ५८ औ मिनेटमा लागि चो गुए सोङले गोल गर्दै खेलमा फर्काउने कोसिश गरे । त्यसको ३ मिनेट नबित्दै ६१ मिनेटमा चो गुए सोङले नै अर्को गोल गर्दै खेल बराबरीमा पुर्याए ।
घानाका लागि ६८औ मिनेटमा मोहमोद कुडुसले व्यक्तिगत दोस्रो गोल गर्दै घानालाई ३-२ को अवस्थामा पुर्याए । त्यसपछि खेलमा थप गोल भएन र घाना ३-२ ले विजयी भयो ।
रेफ्रीले खेल सकिएको सिठ्ठी बजाएपछि कर्नर नदिएको आक्रोसमा रेफ्रीसँग वादविवाद गरेका कोरियाका प्रशिक्षक पाउलो बेन्टोले रातो कार्ड पाए । इंग्लिस रेफ्री एन्टोनी टेलरले कोरियाले कर्नर पाउने बेला खेलको फाइनल व्हिसिल बजाएका थिए ।
प्रतिक्रिया दिनुहोस्