काठमाडौँ – नेपाल राष्ट्र बैंकले औसत ब्याजदर अन्तर (स्प्रेड) लाई घटाएको छ । राष्ट्र बैंकले आइतबार चालू आर्थिक वर्ष ०७९/०८० को मौद्रिक नीतिको पहिलो त्रैमासिक समीक्षा सार्वजनिक गर्दै स्प्रेडदर घटाएको जानकारी गराएको हो ।
हाल वाणिज्य बैंकको औसत ब्याजदर अन्तर ४.४ प्रतिशत रहेकोमा यसलाई घटाएर ४ प्रतिशत कायम गरिएको छ । यस्तै विकास बैंक र वित्त कम्पनीको औसत ब्याजदर अन्तर पनि ५ प्रतिशतबाट ४.६ प्रतिशत कायम गरिएको छ ।
स्प्रडदर कम हुँदा बैंक तथा वित्तीय संस्थाहरुले कर्जाको ब्याजदर तय गर्दा लिने प्रिमियम दर घट्न गई कर्जाको ब्याजदरमा समेत सन्तुलन आउने अपेक्षा गरिएको राष्ट्र बैंकका प्रवत्ता डा. गुणाकर भट्टले बताए । । केन्द्रीय बैंकले प्रिमियमसम्बन्धी व्यवस्थाको नियमित अनुगमन समेत गर्ने उनले जानकारी दिए ।
यसैगरि समीक्षामा बैंक तथा वित्तीय संस्थाको कर्जा–निक्षेप अनुपात (सीडी रेसियो) नपुगेमा बैंक तथा वित्तीय संस्थालाई लाग्ने जरिवानालाई तरलता जोखिममा समेत आधारित हुने गरी पुनरावलोकन गरिने भएको छ ।
प्रतिक्रिया दिनुहोस्