काठमाडौँ – नबिल फ्लेक्सी क्याप फन्डको इकाई खरिदका लागि आवेदन दिन आज (मंसिर ७ गते) अन्तिम दिन रहेको छ ।
फन्डको योजना व्यवस्थापक नबिल इन्भेष्टमेन्ट बैंकिङ्ग अनुसार छोटो अवधिमा निष्काशित सबै इकाई खरिदको माग नगरेपछि समय ढिलो मितिसम्म लम्बिएको थियो ।
कात्तिक २३ गतेदेखि खुला भएको सो खुलामुखी म्युचुअल फन्ड छिटोमा कात्तिक २७ गतेसम्म आवेदन दिन सकिने व्यवस्था थियो । यससँगै अब लगानीकर्ताले मंसिर ७ गतेसम्म आवेदन दिन सक्नेछन् ।
बुधबार बिहान १० बजेसम्म ३५ हजार ५४२ वटा आवेदन मार्फत ३३ करोड ३७ लाख ७६ हजार ७०० रुपैयाँ मूल्यको ३ करोड ३३ लाख ७७ हजार ६७० इकाई खरिदका लागि माग परेको छ । लगानीकर्ताले प्रतिइकाई १० रुपैयाँको दरले न्यूनतम १०० इकाईदेखि अधिकतम ७५ लाख इकाईसम्म आवेदन दिन पाउनेछन् ।
लगानीकर्ताले इकाई खरिदका लागि मेरो सेयरको मोबाइल एप, मेरो सेयर वेवसाइट तथा नेपाल धितोपत्र बोर्डबाट सी–आस्वा सदस्यता प्राप्त गरेका सम्पुर्ण बैंक तथा वित्तीय संस्थाबाट आवेदन दिनत सकिन्छ ।
फण्डको धितोपत्र निष्काशन तथा बिक्री प्रबन्धक नबिल इन्भेष्टमन्ट बैंकिङ्ग लिमिटेड रहेको छ ।
प्रतिक्रिया दिनुहोस्