काठमाडौँ – नेकपा (एमाले) का अध्यक्ष केपी शर्मा ओलीले देशभरका आम मतदातालाई भिडियो सन्देशमार्फत सम्बोधन गर्दै आफ्नो र आफ्ना छोराछोरीको भविष्यलाई सम्झेर सूर्य चिन्हमा मतदान गर्न अपिल गरेका छन् । ओलीले प्रतिनिधि सभा तथा प्रदेश सभा सदस्यका लागि मतदानको पूर्वसन्ध्यामा भिडियो सन्देशमार्फत देशभरका मतदातालाई अब स्पष्ट निर्णय लिने समय आएको बताएका छन्।
ओलीले सूर्य चिन्हमा मतदान एमालेको जितका लागि नभएको स्पष्ट गर्दै अपिलमा थप भनेका छन्–’म तपाई र तपाईको सन्तानको सुखको लागि, राष्ट्रिय हित, स्वाधीनता, स्वाभिमानको रक्षा र पाँच वर्ष टिक्ने स्थिर सरकारका लागि भोट माग्दै छु ।’
प्रतिक्रिया दिनुहोस्