तीन प्रमुख दलबाट १६ क्षेत्रमा प्रत्यक्षतर्फ महिलाको उम्मेदवार

काठमाडौं– प्रतिनिधिसभा निर्वाचनको प्रत्यक्षतर्फ महिला उमेदवारको प्रमुख तीन वटा राजनीतिक दलले १६ वटा क्षेत्रमा उमेदवारी दर्ता गराउँदै छन् ।
प्रतिनिधिसभा निर्वाचनका १६५ वटा निर्वाचन क्षेत्र मध्ये महिलाले नेकपा माओवादी केन्द्रले ६ जना महिलालाई टिकट दिएको छ । कांग्रेस र एमालेले ५–५ जनालाई उम्मेदवार बनाएको छ। राष्ट्रिय प्रजातन्त्र पार्टी राप्रपाले २ महिलालाई अघि सारेको छ। माओवादीले पम्फा भुसाल, कल्पना धमला, रेखा शर्मा, ओनसरी घर्ती, गोमा गौतम, विना मगर र मानुषी यमी भट्टराईलाई टिकट दिएको छ।
कांग्रेसले सुजाता कोइरालालाई मोरङ २ र सिराहाबाट चित्रलेखा यादवलाई उठाएको छ। पुष्पा भुसाललाई अर्घाखाँचीबाट, डीना उपाध्यायलाई मकवापुर र सीता गुरूङलाई तेह्रथुममा लड्ने गरी टिकट दिएको छ। एमालेबाट सुनसरी ३ मा भगवती चौधरी, दाङ १ मा शान्ता चौधरी र दाङ ३ मा कोमल वलीलाई प्रत्यक्षमा उठाएको छ। यस्तै गौरी वलीलाई डोटी र निरूदेवी पाललाई कञ्चनपुर ३ को टिकट दिएको छ।
यस्तै राप्रपाले कुन्ती शाहीलाई दैलेख–१ र रेखा थापालाई मोरङ–३को टिकट दिएको छ। संघीय चुनावमा दुई ठाउँबाट चुनाव लड्ने तयारी गरेको एउटा सिट महिलालाई दिएको छ। पार्टी उपाध्यक्ष दुर्गा पौडेललाई प्युठानबाट लड्न टिकट दिएको छ।