काठमाौँ – बाँकेको कोहोलपुरबाट रिङका लागि छुटेको जीप आज बिहान दुर्घटना भएको छ । रा १ ज ५६३ नम्बरको जीप सल्यानको कपुरकोट गाउँपालिका- ३ मुलपानीमा दुर्घटना हुँदा ८ जनाको मृत्यु भएको हो ।
जिल्ला प्रहरी कार्यालय सल्यानले दुर्घटनामा ८ जना मृत्यु भएको बताएको छ। मृतक सल्यानको कपुरकोटकै विभिन्न वडाका हुन् । उनीहरू सबैको सनाखत भने भइसकेको छैन ।
दुर्घटनामा सख्त घाइते भएका एक जनालाई उद्धार पछि उपचारका लागि दाङ तुलसीपुर लैजाने तयारी गरिएको छ । जीप बुधबार बिहान करिब ३ बजे भीरबाट १५० मिटर तल खसेको हो । प्रहरीका अनुसार उक्त जीपमा ९ जना सवार रहेका थिए ।
दुर्घटनाको विस्तृत विवरण आउन बाँकी रहेको प्रहरीले बताएको छ ।
प्रतिक्रिया दिनुहोस्