प्रतिनिधि सभाको कार्यकाल गणना गर्दा त्यस्तो सभाको पहिलो बैठक बसेको दिनबाट गणना गरिनेगरी कानुन संशोधन गर्ने विवादास्पद विधेयक प्रतिनिधि सभामा दर्ता भएको छ । सरकारले प्रतिनिधिसभामा दर्ता गरेको केही नेपाल ऐन संशोधनमार्फत् प्रतिनिधि सभा निर्वाचनसम्बन्धी कानुनमा गरेको संशोधन प्रस्ताव पारित भएमा प्रतिनिधिसभा अविछिन्न स्वरूपको हुने भएको छ ।
विधेयकले प्रतिनिधि सभाको नयाँ निर्वाचन भएको अवस्थामा भने नयाँ निर्वाचित प्रतिनिधिसभाको पहिलो बैठक बसेको दिनबाट प्रतिनिधि सभाको कार्यकाल स्वत: समाप्त हुने व्यवस्था गरेको छ।
प्रतिनिधि सभाको कार्यकाल कहिले सुरू हुन्छ र कहिले अन्त्य हुन्छ भन्नेमा स्पष्ट थिएन । संविधानको धारा ८५ मा प्रतिनिधि सभाको कार्यकालअगावै विघटन भएमा बाहेक पाँच वर्ष हुनेमात्र उल्लेख गरिएकोछ। तर त्यस्तो पाँच वर्षको गणना कहिले सुरू हुने भन्ने विषयमा संविधान र कानूनमा स्पष्ट व्यवस्था गरिएको थिएन ।
शाधारणतय निर्वाचन घोषणा भएपछि प्रतिनिधि सभाको म्याद स्वत: समाप्त हुने चलन थियो । सरकारले यो चलन विपरित अविछिन्न प्रतिनिधिसभाको उद्धेश्यराखि विधेयक दर्ता गरेको छ । जनस्तरमा यसको बिरोध भएको छ ।
प्रतिक्रिया दिनुहोस्