काठमाडौं– पुनर्विचारका लागि १५ बुँदे सन्देशसहित फिर्ता भएको नागरिकता ऐन संशोधन गर्न बनेको विधेयक शुक्रबार राष्ट्रिय सभाबाट पनि नागरिकता विधेयक हुबहु पारित भएको छ।
राष्ट्रपतिबाट फिर्ता भएको विधेयक २ भदौमा प्रतिनिधिसभाबाट हुबहु पारित भएर राष्ट्रिय सभामा पुगेर शुक्रबार हुबहु पारित भएको हो ।नागरिकता विधेयक प्रतिनिधिसभामा गएर राष्ट्रिय सभाले विधेयक पारित गरेको सन्देश प्रतिनिधिसभामा सुनाएपछि सभामुखबाट प्रमाणित हुँदै फेरि प्रमाणीकरणका लागि राष्ट्रपतिकहाँ पुग्छ।
यसअघि पहिलो पटक प्राप्त नागरिकता ऐन संशोधन विधेयक राष्ट्रपतिले प्रमाणीकरण नगरी पुनर्बिचारका लागि प्रतिनिधिसभामा फिर्ता पठाइदिएकी थिइन्। दोस्रो पटक राष्ट्रपतिकोमा जान लागेकाले राष्ट्रपति भण्डारीले यो विधेयक फिर्ता गर्न नपाउने व्यवस्था छ । २४ असार २०७९ मा दर्ता भएको विधेयक प्रतिनिधिसभाबाट साउन ६ र राष्ट्रियसभाबाट १२ गते पारित भइ साउन १४ गते प्रमाणीकरणका लागि राष्ट्रपतिसमक्ष पुगे पनि प्रमाणीकरण नगरी २९ साउनमा राष्ट्रपति भण्डारीले संघीय संसदसमक्ष जानकारी, अध्ययन र विमर्शका लागि भन्दै सातवटा बुँदा र ध्यानाकर्षणका लागि आठ वटा बुँदामा सन्देशसहित विधेयक फिर्ता गरिदिइन ।
प्रतिक्रिया दिनुहोस्